Nigerian schools resumption: See Lagos state goment plans for new academic session for primary and secondary schools

For inside statement wey di state Ministry of Education release, Folasade Adefisayo wey be di commissioner, say for public schools “di present JS3 and SS2 students go resume schools from Monday, 21 September.

“Di resumption of schools go permit di present JS3 students wey already dey for exit class to revise and get ready for dia Basic Education Certificate Examination wey go start on 6th of October.

“Di resumption go also give di present SS2 students opportunity to prepare effectively for dia transition to SS3”.

Plans for private schools

Private primary and secondary schools for di state dey permitted to resume from Monday, 21 September.

Di goment dey ask school owners to put safety first and also open dia schools in phases similar to wetin dem dey do wit public schools.

Dem add say: “di phases opening go also include strategies for staggered resumption in di morning,

classes on alternate days during di week and teaching through various distance learning methods”.

even though di goment don give private primary and secondary schools go ahead to reopen, dem say

“kindergarten classes and schools for both private and public schools go still remain closed”.

SOURCE BBC PIGIN ENGLISH

Be the first to comment

Leave a Reply